Gəncədə tələbə dərs vaxtı qəfil vəfat edib.
AFN.az “Qafqazinfo”-ya istinadən xəbər verir ki, hadisə Gəncə şəhərində yerləşən Sənaye və Texnologiyalar üzrə Gəncə Dövlət Peşə Təhsil Mərkəzində qeydə alınıb.
Birinci kurs tələbəsi, 2008-ci il təvəllüdlü Röyal Bayramovun səhhəti dərs vaxtı anidən pisləşib. Hadisə yerinə çağırılan təcili yardım maşını ona kömək edə bilməyib və tələbənin öldüyü məlum olub.
İlkin məlumata görə, tələbə ürəktutmadan həyatını itirib.
Faktla bağlı Gəncə Şəhər Prokurorluğunda araşdırma başlanıb.
