Bakivaxti portalından əldə olunan məlumata əsasən, ain.az xəbər verir.
Ötən il Azərbaycandan Gürcüstana 2,3 milyard kubmetr təbii qaz ixrac edilib.
Bakıvaxtı.az bu barədə Energetika Nazirliyinə istinadən xəbər verir.
Məlumata əsasən, 2024-cü illə müqayisədə ötən il Azərbaycandan Gürcüstana qaz ixracı 0,1 milyard kubmetr və ya 4,2% azalıb.
Belə ki, 2024-cü ildə Azərbaycandan Gürcüstana 2,4 milyard kubmetr təbii qaz ixrac edilmişdi.
Qeyd edək ki, 2025-ci ildə Azərbaycanda 51,5 milyard kubmetr təbii qaz hasil edilib. Hasilatın 14,1 milyard kubmetri “Azəri-Çıraq-Günəşli”nin, 27,9 milyard kubmetri “Şahdəniz”in, 1,6 milyard kubmetri “Abşeron” yatağının, 7,9 milyard kubmetri isə SOCAR-ın payına düşüb.
Bu dövrdə qaz ixracı isə 25,2 milyard kubmetr təşkil edib. Bundan 12,8 milyard kubmetr Avropaya, 9,6 milyard kubmetr Türkiyəyə (o cümlədən TANAP-la 5,6 milyard kubmetr), 2,3 milyard kubmetr Gürcüstana, 0,5 milyard kubmetr isə Suriyaya ixrac edilib.
Ən son xəbərləri və yenilikləri almaq üçün ain.az saytını izləyin.
