Antalyada təlim-məşq toplanışında olan Sumqayıt” bu gün ikinci oyununu keçirib.
Msport.az xəbər verir ki, “gənclik şəhəri” təmsilçisi Serbiyanın “OFK Belqrad” komandasına 1:4 hesabı ilə məğlub olub. “Sumqayıt”ın yeganə qolunu 4-cü dəqiqədə Aleksandr Ramalinqom vurub.
“OFK Belqrad” Serbiya Superliqasında 25 xalla 9-cu yeri tutur.
Qeyd edək ki, “Sumqayıt” ilk yoxlama matçında Macarıstan “Pakş”ına 1:5 hesabı ilə uduzub. Komanda Türkiyədə daha 1 yoxlama oyununa çıxacaq. Komanda yanvarın 16-da Xorvatiya “Osiyek”i ilə üz-üzə gələcək
