Ermənistan və ABŞ “Beynəlxalq Sülh və Rifah üçün Tramp Marşrutu” (TRIPP) layihəsi çərçivəsində Ermənistanda nəqliyyat marşrutlarının inkişafı üçün birgə müəssisə yaratmaq barədə razılığa gəliblər.
ABŞ Dövlət Departamentinin açıqlamasına görə, dövlət katibi Marko Rubio və Ermənistanın xarici işlər naziri Ararat Mirzoyan bu gün Vaşinqtonda Trampın Beynəlxalq Sülh və Rifah üçün Yol Xəritəsinin (TRIPP) İcra Çərçivəsinin açıqlanmasını elan etmək üçün görüş keçiriblər.
TRIPP-in əsas məqsədi Ermənistan və Azərbaycanın təhlükəsizliyini və rifahını gücləndirməkdir.
ABŞ Dövlət Departamenti ABŞ-Ermənistan TRIPP İcra Çərçivəsini 8 avqust 2025-ci ildə Ağ Evdə Cənubi Qafqazda davamlı sülhün təmin edilməsi üçün verilən öhdəliklərin yerinə yetirilməsi istiqamətində son addım adlandırıb.
ABŞ Dövlət Departamentinin mətbuat xidməti tərəfindən dərc olunmuş mətnə əsasən, çərçivə proqramı Ermənistan Respublikası ərazisindən maneəsiz multimodal tranzit əlaqəsinin təmin edilməsinə yönəlmiş TRIPP-in praktiki tətbiqi üçün konkret mexanizm müəyyən edir. Layihə Azərbaycanın əsas hissəsini Naxçıvan Muxtar Respublikası ilə birləşdirməyi və Transxəzər ticarət marşrutunda əsas əlaqə yaratmağı nəzərdə tutur.
P.ƏMİRCANOV
XQ
