A Seriyası: “Latsio” evdə “Komo”ya böyük hesabla uduzdu – ARENA.AZ

Bu gün futbol üzrə İtaliya çempionatında (A Seriyası) 2025/2026-cı illər mövsümünün 21-ci turunun oyunlarına yekun vurulub.

Arena.az xəbər verir ki, sonuncu oyun günündə iki qarşılaşma baş tutub.

“Kremoneze” – “Verona” matçında qapılara qol vurulmayıb. “Latsio” isə doğma meydanda “Komo”ya 3 cavabsız qolla uduzub.

Beləliklə, geridə qalmış 21 turdan sonra 49 xala malik “İnter” vahid liderdir. “Milan” 46 xalla ikinci, “Napoli” 43 xalla üçüncü pillədə qərarlaşıb. “Roma” 42, “Yuventus” 39, “Komo” 37, “Atalanta” 32 xal toplayıb.

İtaliya, A Seriyası
21-ci tur
16 yanvar

Piza – Atalanta 1:1
Qollar: Durosinmi, 87 – Krstoviç, 83.

17 yanvar

Udineze – İnter 0:1
Qol: L.Martines, 20.

Napoli – Sassuolo 1:0
Qol: Lobotka, 7.

Kalyari – Yuventus 1:0
Qol: Massitelli, 65.

18 yanvar

Parma – Cenoa 0:0

Bolonya – Fiorentina 1:2
Qollar: Fabbian, 88 – Mandraqora, 19. Pikkoli, 45.

Torino – Roma 0:2
Qollar: Malen, 26. Dibala, 72.

Milan – Leççe 1:0
Qol: Fullkruq, 76.

19 yanvar

Kremoneze – Verona 0:0

Latsio – Komo 0:3
Qollar: Baturina, 2. Pas, 24; 49.