Bakı.Trend:
bp öz Azəri-Çıraq-Günəşli, Bakı-Tbilisi-Ceyhan, Şahdəniz vəCənubi Qafqaz Boru Kəməri layihələrindəki tərəfdaşları - “SOCAR”,“TPAO”, “LUKOIL”, “SGC”, “NICO”, “MOL”, “INPEX”, “ExxonMobil”,“ITOCHU”, “ONGC Videsh”, “Eni”, “MVM” və “TotalEnergies” – adındanməmnuniyyətlə elan edir ki, Azərbaycan təsviri sənətində 1960-cıillərdə formalaşmış nonkonformist hərəkatın təşviqinə dəstəkməqsədli mühüm bir sosial layihə uğurla başa çatmışdır.
Trend xəbər verir ki, layihəçərçivəsində bp və tərəfdaşları Azərbaycan Milli İncəsənətMuzeyində (AMİM) ölkənin görkəmli nonkonformist rəssamlarınınəsərlərinin nümayişi üçün ayrılmış xüsusi sərgi zallarının təmirivə modernləşdirilməsini maliyyələşdiriblər.
Yenilənmə işləri zalların həm estetik, həm də funksionalxüsusiyyətlərinin təkmilləşdirilməsinə yönələrək müasirişıqlandırma sistemlərinin qurulması və divar səthlərinin müvafiqolaraq hazırlanması ilə bu dəyərli əsərlərin beynəlxalq muzeystandartlarına uyğun optimal texniki və vizual şəraitdə nümayişi vəsaxlanmasını təmin edir.
Layihə çərçivəsində 800 kvadratmetr divar, 400 kvadratmetr tavanvə 330 kvadratmetr döşəmə sahəsi təmir edilib, həmçinin ən azı 150sənət əsəri üçün qabaqcıl işıqlandırma sistemləri quraşdırılıb vəmuzey standartlarına uyğun 150 ədəd yeni taxta çərçivəhazırlanıb.
XX əsr Azərbaycan nonkonformist rəssamlarının əsərləri Muzeyinkolleksiyasının əhəmiyyətli bir hissəsini təşkil edir. 1960-cıillərdən 1980-ci illərədək fəalliyyətdə olan nonkonformist təsvirisənət cərəyanı sovet dövrünün sosialist realizmindən imtina edərəkonun qoyduğu məhdudiyyətlərə qarşı bir hərəkat kimi formalaşmış vəAbşeron Rəssamlıq Məktəbinin yaranışına və inkişafına mühüm töhfəvermişdir. Hərəkatın aparıcı nümayəndələri sırasında dünya şöhrətlirəssamlar Mircavad Mircavadov, Əşrəf Murad, Tofiq Cavadov, RasimBabayev, Qorxmaz Əfəndiyev, Kamal Əhməd, və avanqardheykəltəraşlığın əsas nümayəndəsi Fazil Nəcəfov kimi adlar var.
Bu gün layihənin ictimaiyyətə təqdimatı münasibətilə Milliİncəsənət Muzeyində keçirilmiş tədbirdə çıxış edən bp-ninAzərbaycan, Gürcüstan və Türkiyə üzrə regional prezidenti CioKristofoli dedi: “Azərbaycanın zəngin mədəni irsinin
qorunub saxlanmasına və təşviqinə yönəlmiş təşəbbüsləridəstəkləməkdən qürur duyuruq. Bu gün təqdim etdiyimiz layihəAzərbaycanın nonkonformist təsviri sənət məktəbinin təbliğinəbirbaşa töhfə verir.
Sevindirici məqamlardan biri də odur ki, muzeyin əsaslı şəkildəyenilənmiş zalları artıq Azərbaycanın nonkonformist rəssamlarınınmöhtəşəm irsini layiqincə təqdim etmək üçün zəruri avadanlıqlarlatəchiz edilib və bu da bu unikal əsərlərin tam dolğunluğu vəestetik gözəlliyi ilə ziyarətçilərə çatdırılmasına imkan verir.Yenilənmiş zallar və quraşdırılmış müasir avadanlıq bu mədəni irsinecazkar gözəlliyinin daha canlı görünüşünə, bu qiymətli əsərlərinbütün rəng çalarlarının və incəliklərinin tam möhtəşəmliyi iləictimaiyyətə daha əlçatan olmasına xidmət edir. Ümidvarıq ki, bulayihə nonkonformist rəssamların yaradıcılığına həm ölkədə, həm dəbeynəlxalq səviyyədə layiq olduqları yüksək qiymətin verilməsinəmühüm töhfə olacaq.”
Ümumi dəyəri 358089 AZN (210640 ABŞ dolları) təşkil edən bulayihə “Greentech Solutions” MMC tərəfindən icra olunub.
Redaktorlar üçün qeydlər
bp şirkəti Azərbaycanda 33 ildir ki, neft və qazın kəşfiyyatı,işlənməsi və nəqli üzrə iri layihələrin əməliyyatçısıdır və bulayihələrin icrasını təhlükəsiz, səmərəli və etibarlı şəkildəhəyata keçirir. Bu vaxtadək bp öz tərəfdaşları ilə birlikdə ölkədəicraçısı olduğu layihələrə 87 milyard dollardan çox sərmayə qoyub.Azərbaycanda biz ən çox töhfə verə biləcəyimizə inandığımızsahələrə yönəlməklə dayanıqlı inkişaf təşəbbüslərinə dəstək verməköhdəliyi götürmüşük.
bp-nin ölkədə həyata keçirdiyi geniş sosial sərmayəfəaliyyətləri və bacarıqların inkişaf etdirilməsi istiqamətindəkisəyləri insanlara əhəmiyyətli faydalar gətirməklə, onların həyatınıyaxşılaşdırıb və dəyişdirib.
Şirkətin sosial sərmayələri yerli potensialın yaradılması,təhsil, icmaların inkişafı, yerli sahibkarlıq, ətraf mühit, idmanpotensialının artırılması, habelə ölkənin zəngin mədəni irsinintədqiqi və təbliği kimi sahələrə yönəlib. Fəaliyyətə başladığıvaxtdan indiyədək bp özü və onun əməliyyatçısı olduğu birgəlayihələrdəki tərəfdaşları adından ölkədəki sosial sərmayəlayihələrinə ümumilikdə 111 milyon ABŞ dollarından çox vəsaitxərcləmişdir.
Azərbaycanda bp şirkətində təxminən 2389 Azərbaycan vətəndaşıçalışır və bu da, şirkətin ixtisaslı işçi heyətinin 90 faizindənçoxunu təşkil edir.
bp və tərəfdaşlarının sosial sərmayə layihələri barədə ətraflıməlumat əldə etmək üçün www.bp.com/azerbaijan vebsaytına daxilolun.
