BMT-nin Baş katibi Antonio Quterreş millətlərin öz müqəddəratını təyin etmə prinsipinin Krım və Donbasa tətbiq edilməsi ehtimalını rədd edib...
Poliqon xəbər verir ki, o, bunu mətbuat konfransında bildirib.
Qeyd olunur ki, rusiyalı jurnalist BMT-nin Krım və Donbas məsələsini bu prinsipin tətbiq olunmalı olduğu məsələ kimi nəzərdən keçirə biləcəyini soruşub.
"İki vacib prinsip var. Birinci prinsip dövlətlərin ərazi bütövlüyüdür. Digər prinsip isə xalqların öz müqəddəratını təyin etməsidir", deyə Quterreş cavabında bildirib.
Lakin, onun sözlərinə görə, xalqların öz müqəddəratını təyin etməsi yalnız bir sıra zəruri şərtlər yerinə yetirildikdə mümkündür. Bunu edərkən o, BMT-nin Hüquqi İşlər İdarəsinin nəticəsinə istinad edib.
"Biz qərara gəldik ki, öz müqəddəratını təyin etmə prinsipi Krım və Donbasa tətbiq edilə bilməz, ona görə də bu vəziyyətdə Ukraynanın ərazi bütövlüyü prinsipi üstünlük təşkil edir", deyə BMT-nin Baş katibi vurğulayıb.
Poliqon.info
