FIFA kişi futbolunda beynəlxalq transferlərlə bağlı 2025-ci ilin hesabatını açıqlayıb.
İdman.Biz qurumun rəsmi saytına istinadən xəbər verir ki, transferlərin sayı və maliyyə dövriyyəsini əks etdirən hesabatda Azərbaycan 58-ci pillədə qərarlaşıb.
Ötən il ölkəmizə 162 futbolçu transfer edilib, 95 oyunçu isə xarici klublara göndərilib. Azərbaycan klubları transferlər üçün 4,96 milyon dollar xərcləyib, satışlardan isə 9,53 milyon dollar gəlir əldə edib.
Azərbaycana gələn oyunçuların sayı 45,9 faiz artsa da, ölkə xaricinə transferlərdə 41,8 faiz azalma müşahidə olunub.
