U-19 millimiz Özbəkistana ilk oyunda qalib gəldi

Özbəkistanda təlim-məşq toplanışında olan 19 yaşadək qadın futbolçulardan ibarət Azərbaycan millisi (U-19) ilk yoxlama oyununu keçirib.

Arena.az xəbər verir ki, millimiz Daşkənddə Özbəkistanın müvafiq yaş qrupundan ibarət yığma komandası ilə qarşılaşıb.

Bu komandalar arasındakı ilk görüş millimizin 3:2 hesablı qələbəsi ilə yekunlaşıb. U-19 yığmamızın heyətində qolları dubla imza atmış Ayşən Salamzadə (11-ci və 89-cu dəqiqələrdə) və Mədinə Curuqova (30-cu dəqiqə) vurublar.

Qeyd edək ki, bu komandalar arasında ikinci yoxlama oyunu fevralın 7-də keçiriləcək.

Xatırladaq ki, millimizin Özbəkistana aparılmış heyətinə aşağıdakı futbolçular cəlb ediliblər:

Qapıçılar: Nərgiz Ağaliyeva, Bədriyyə Mavludova (hər ikisi “Şəfa”), Firuzə Bayramova (“Dirçəliş”);

Müdafiəçilər: Məsumə Nəzərli (“Neftçi”), Arzu Cəfərova, Yelizaveta Vaysman (hər ikisi “Şəfa”), Aygün Novruzova (“Sabah”), Pərişan Abdullayeva, Aysel Cumayeva (hər ikisi “Liman”);

Yarımmüdafiəçilər: Ülviyyə İslamova (“Baku Juniors”), Arzu Ağaliyeva, Mədinə Qədiməliyeva (hər ikisi “Şəfa”), Vahidə Əlipaşayeva (“Dirçəliş”), Səma Əsədova (“Sabah”), Mədinə Curuqova, Ayşən Salamzadə (hər ikisi “Neftçi”);

Hücumçu: Xanım Əsədova (“Neftçi”).