Ermənistanın Baş naziri Nikol Paşinyan qardaşı Armen Paşinyanın Rusiya vətəndaşı olması barədə yayılan xəbərlərdən danışıb.
"Unikal" xəbər verir ki, o, bu barədə yerli mediaya açıqlama verib.
Paşinyan bildirib ki, yüz minlərlə Ermənistan vətəndaşı kimi, qardaşı da 90-cı illərin ikinci yarısında Rusiyaya köçüb və orada yaşayıb.
Siyasətçi jurnalistlərin Ermənistanın təhlükəsizlik orqanlarına qohumunun fəaliyyətinin araşdırılması ilə bağlı göstəriş verib-vermədiyi sualını isə cavablandırmayıb.
