SEPAH-ın Qüds qüvvələrinin komandanı İsmayıl Qaani hərbi əməliyyatlara rəhbərlik edir.
KONKRET.az axaraz–a istinadən xəbər verir ki, bunu İranın Bağdaddakı səfiri Məhəmməd Kazım Əli Sadiq deyib.
“İsmayıl Qaani ön cəbhədədir və hərbi əməliyyatlara şəxsən rəhbərlik edir. Bütün bu bəyanatlar düşmənin qüvvələrimizin və müttəfiqlərimizin əhval-ruhiyyəsini sarsıtmağa yönəlmiş psixoloji müharibəsinin bir hissəsidir. General Qaani sağ-salamatdır, o, təcavüzkarlara – ABŞ və sionist rejimə qarşı əməliyyatlara komandanlıq etməyə davam edir”, – səfir bildirib.
Qeyd edək ki, “Nasional” Qaaninin İsrailə casusluq ittihamı ilə gizlicə edam edildiyini yazmışdı. İsrail mediası isə Qaaninin İsrailə qaçdığı iddiasını yaymışdı.
