ABŞ-da benzinin orta qiyməti qallon başına 4,10 dollara (litr başına 1,08 dollar) yüksəlib ki, bu da ABŞ-İsrail hücumlarının başlanğıcından bəri 37% artım deməkdir.
Ucnoqta.az xəbər verir ki, bu barədə Amerika Avtomobil Assosiasiyasının məlumatlarında qeyd olunub.
Assosiasiyanın məlumatına görə, qiymət son bir həftə ərzində 12 sent artıb. Artım, dünyanın dəniz neft tədarükünün təxminən 20%-nin keçdiyi Hörmüz boğazının faktiki olaraq blokadası, eləcə də Yaxın Şərqdə neft hasilatının yavaşlaması ilə əlaqədardır.
Ən yüksək qiymətlər Kaliforniyada qeydə alınıb - qallon başına təxminən 5,92 dollar (litr başına 1,56 dollar), ən ucuz benzin isə Oklahomada satılır - qallon başına 3,29 dollar (litr başına 0,87 dollar).
