BAKI, 6 aprel. TELEQRAF
İsrail Hərbi Hava Qüvvələri Tehrana yeni zərbələr endirib.
Teleqraf xəbər verir ki, bu barədə İsrail ordusunun mətbuat xidməti məlumat yayıb.
Bu dəfə hücumların hədəfi İslam İnqilabı Keşikçiləri Korpusunun (SEPAH) qərargahı olub. Zərbələr xüsusilə Tehrandakı Baş Qərargah və Hərbi Hava Qüvvələri Qərargahının əsas infrastruktur obyektlərinə endirilib.
Bundan əlavə, İsrail təyyarələri eyni vaxtda İsrailə raket atmaq üçün hazırlanmış ballistik raketlər və buraxılış qurğularının olduğu anbara hücum edib.
