Redaktor.az portalından verilən məlumata əsasən, ain.az bildirir.
İran ABŞ-nin 10 maddəlik atəşkəs planının təfərrüatlarını açıqlayıb.
Redaktor.az xəbər verir ki, İran "Fars" xəbər agentliyinə istinadən ABŞ tərəfindən təqdim edilmiş planın əsas müddəalarını dərc edib.
Plana əsas məqamlar aşağıdakılardır:
İrana qarşı bütün təcavüzlərin tam dayandırılması
ABŞ hərbi qüvvələrinin regiondan çıxarılması və İrana qarşı hücumların qadağan edilməsi
Hörmüz boğazından gəmilərin gündəlik keçidinin iki həftə müddətinə İran ordusu ilə koordinasiyada məhdudlaşdırılması
Bütün əsas sanksiyaların ləğvi
İkinci dərəcəli sanksiyaların ləğvi
BMT Təhlükəsizlik Şurasının bütün qətnamələrinin ləğvi
İnvestisiya və maliyyə fondu yaradılaraq İrana dəyən zərərin ödənilməsi
İranın uranı zənginləşdirmək hüququnun tanınması
İranın region ölkələri ilə ikitərəfli və çoxtərəfli sülh müqavilələri bağlamasına imkan yaradılması
Bütün öhdəliklərin BMT rəsmi qətnaməsi ilə təsdiqlənməsi
Qeyd edək ki, ABŞ Prezidenti Donald Tramp danışıqlara hazır olduğunu və İrana hücumların iki həftəlik dayandırıldığını açıqlamışdı.
Bundan əlavə, İran və İsrail zərbələri dayandırmaq barədə razılığa gəliblər.
Pakistanın Baş naziri Şahbaz Şərif isə ABŞ və İran nümayəndə heyətlərini aprelin 10-da İslamabada danışıqlar üçün dəvət edib.
Aminə ŞAHSUVARQIZI
Hadisənin gedişatını izləmək üçün ain.az saytında ən son yeniliklərə baxın.
