Bu gün ABŞ Prezidenti Donald Tramp Ağ Evdə İranla bağlı yüksək səviyyəli milli təhlükəsizlik və xarici siyasət qrupu ilə görüş keçirməyi planlaşdırır.
Missiya.Az xəbər verir ki, bu barədə “Axios” portalı üç ABŞ rəsmisinə istinadən məlumat yayıb.
Rəsmilərin sözlərinə görə, görüşdə ABŞ ilə İran arasında aparılan danışıqlarda yaranmış çıxılmaz vəziyyət, habelə, müharibənin gedişində Vaşinqtonun atacağı növbəti addımlar üçün mümkün variantlar müzakirə olunacaq.
Rəsmilərdən biri qeyd edib ki, Ağ Ev hazırda həm diplomatik, həm də hərbi istiqamətdə bir neçə ssenarini nəzərdən keçirir.
Daşqın HəsənovMissiya.Az
