İranın ABŞ-a hərbi gərginliyi azaltmaq və Hörmüz boğazı ilə bağlı blokadadan imtina etmək üçün yeni təklif irəli sürdüyü bildirilir.

“Axios”un məlumatına görə, Tehran nüvə proqramı üzrə mübahisəli məsələlərin sonrakı mərhələyə saxlanılmasını və qarşıdurmanın dərhal dayandırılmasını təklif edib. Bu addımın diplomatik çıxılmazlığı yumşalda biləcəyi, lakin Vaşinqtonun əsas təzyiq alətlərini zəiflədə biləcəyi qeyd olunur.

Məlumata əsasən, ABŞ tərəfi İranın uran zənginləşdirməsi ilə bağlı tələblərini daha sərt şəkildə gündəmdə saxlayır. Lakin yeni təklif qəbul olunarsa, bu balansı dəyişə bilər.

ABŞ Prezidenti Donald Trampın bu günlərdə milli təhlükəsizlik komandası ilə İran məsələsini ayrıca müzakirə edəcəyi də bildirilir. Ağ Evin verəcəyi qərar regionda gərginliyin gələcək istiqamətini müəyyən edəcək.

• Təklif
• Planlar
• İran
• Hörmüz Boğazı