Almaniyanın "Bavariy" klubu gürcü futbolçu Tornike Kvaratsxeliyanın transfer edə bilər.
QOL.az xəbər verir ki, bu barədə “Goal” nəşri məlumat yayıb.
Tornike PSJ-nin və Gürcüstan millisinin üzvü Xviça Kvaratsxeliyanın kiçik qardaşıdır.
16 yaşlı yarımmüdafiəçinin hazırda Münhendə olduğu və yaxın vaxtlarda klub rəhbərliyi ilə görüşəcəyi bildirilib. O, hazırda "Dinamo" Tbilisi klubunun əvəzedici komandasında çıxış edir. Mayın 2-də isə ilk dəfə əsas komandanın heyətinə daxil edilib.
Tornike Kvaratsxeliya Gürcüstanın U-17 millisində də forma geyinir və perspektivli futbolçulardan hesab olunur. O, qardaşı kimi sol cinahda oynayır.
Xatırladaq ki, Kvaratsxeliya qardaşlarının atası Badri Kvaratsxeliya Azərbaycan millisinin sabiq üzvüdür.
