Almaniyanın Müdafiə naziri Boris Pistorius Rusiya Prezidenti Vladimir Putinin Ukraynaya qarşı başladığı müharibənin guya sona yaxınlaşması barədə bəyanatlarını aldadıcı manevr hesab edir.
Bizim.Media xəbər verir ki, bu barədə "DW" nəşri məlumat yayıb.
Almaniyalı nazir Kiyevə səfəri zamanı bildirib: "Əgər o, bu müharibənin sonunun yaxın olduğunu görürsə, o zaman müharibəni sadəcə dayandıra bilərdi".
Pistoriusun sözlərinə görə, Putin qoşunlarını Ukraynadan çıxarmaqla və ya Ukraynanı heç bir ilkin şərt qoymadan danışıqlara dəvət etməklə buna nail ola bilərdi. Lakin o, hər zaman olduğu kimi, yenə öz şərtlərini irəli sürür.
Siyasətçinin fikrincə, Putin bu cür bəyanatlarla diqqəti öz zəifliyindən yayındırmağa çalışır, çünki hazırda onun ordusu cəbhədə demək olar ki, heç bir uğur əldə edə bilmir.
Bizim.Media
