“Komo” tarixində ilk dəfə avrokuboklara vəsiqə qazandı – ARENA.AZ

Futbol üzrə İtaliya A Seriyasında mübarizə aparan “Komo” klubu tarixində ilk dəfə olaraq avrokuboklarda mübarizə aparacaq.

Arena.az xəbər verir ki, hazırda, 36 turdan sonra İtaliya A Seriyasının yarış cədvəlinin 6-cı pilləsində qərarlaşmış bu komanda Avropa Konfrans Liqası bölgəsinə düşür.

Amma Sesk Fabreqasın çalışdırdığı kollektiv İtaliya A Seriyasının cari mövsümünün son iki turunun nəticəsindən asılı olaraq, Avropa Liqasına və ya UEFA Çempionlar Liqasına da yollana bilər.

Xatırladaq ki, “Komo” 2025/2026-cı illər mövsümündə A Seriyası çərçivəsində keçirdiyi 36 oyunda 18 qələbə qazanıb, 11 heç-heçə edib, 7 məğlubiyyətə üzülüb. Fabreqasın komandası rəqib qapılarından 60 top keçirdiyi halda öz qapısında cəmi 28 qol görüb. Çempionatın ən az qol buraxmış kollektivi turnir cədvəlində “İnter” (85 xal), “Napoli” (70), “Yuventus” (68), “Milan” (67) və “Roma”dan (67) geri qalır.