Beynəlxalq musiqi yarışı “Avroviziya 2026” davam edir.
Hafta.az xəbər verir ki, müsabiqə Avstriyanın paytaxtı Vyana şəhərində keçirilir.
Bu gecə keçirilən ikinci yarımfinal mərhələsində ölkəmizi JIVA (Cəmilə Həşimova) təmsil edir.
Təmsilçimiz bu yarımfinalda “Just Go” mahnısı ilə ikinci sırada səhnəyə çıxıb.
***
Bu gecə “Avroviziya-2026” mahnı müsabiqəsinin ikinci yarımfinalı keçiriləcək.
Hafta.az xəbər verir ki, Bakı vaxtı ilə 23:00-da baş tutacaq ikinci yarımfinalda da 15 ölkənin nümayəndələri mübarizə aparacaq.
İkinci yarımfinalın açılışını Bolqarıstan, sonuncu çıxışını isə Norveç edəcək. Azərbaycan təmsilçisi JIVA bu yarımfinalda “Just Go” mahnısı ilə ikinci sırada səhnəyə çıxacaq.
Qeyd edək ki, yubiley xarakterli 70-ci “Avroviziya” mahnı müsabiqəsinin final mərhələsi mayın 16-da keçiriləcək.
