Bakı, 21 may, AZƏRTAC
AFFA-nın Apellyasiya Komitəsinin iclası keçirilib.
AZƏRTAC xəbər verir ki, iclasda “Ağdaş” klubunun apellyasiya müraciətinə baxılıb. Müraciət klubun II Liqa yarışlarında iştirak üçün lisenziya ala bilməməsi ilə bağlı olub.
Komitə tərəfindən klubun təqdim etdiyi əlavə sənədlər də müzakirə edilib.
Müzakirələrdən sonra “Ağdaş”a 2026/2027-ci il mövsümündə II Liqa yarışlarında iştirak etmək üçün lisenziya verilməsi barədə qərar qəbul olunub.
