ain.az, Azpolitika.az portalından verilən məlumatlara əsaslanaraq xəbər verir.
Kriştianu Ronaldu "Əl-Nəsr"də ilk kubokunu qazandı və Səudiyyə Ərəbistanı çempionu oldu
Portuqaliyalı futbolçu Kriştianu Ronaldu Səudiyyə Ərəbistanı çempionu olmaqla "Əl-Nəsr" klubunun heyətində ilk titulunu qazanıb. Bu barədə "Lenta.ru"nun müxbiri məlumat yayıb.
Mayın 21-də keçirilən qarşılaşmada "Əl-Nəsr" "Damak" komandasını 4:1 hesabı ilə darmadağın edib. Oyunda Ronaldu dubla imza atıb, digər qolları isə Sadio Mane və Kinqsli Koman vurublar.
Bu qələbə sayəsində xallarının sayını 86-ya çatdıran "Əl-Nəsr" çempionatı 34 turdan sonra turnir cədvəlinin birinci pilləsində başa vurub. Gümüş medalları 84 xalla "Əl-Hilal", bürünc mükafatı isə mövsümü 81 xalla tamamlayan "Əl-Əhli" qazanıb.
41 yaşlı Ronaldunun klub səviyyəsində qazandığı sonuncu titul 2021-ci ilə təsadüf edirdi. Həmin vaxt portuqaliyalı hücumçu Turin "Yuventus"unun heyətində İtaliya Kubokunun qalibi olmuşdu.
Qeyd edək ki, Ronaldu 2023-cü ilin yanvarından "Əl-Nəsr"də çıxış edir. Təcrübəli forvard cari mövsümdə komandanın heyətində meydana çıxdığı bütün turnirlərdə ümumilikdə 30 qola imza atıb.
"AzPolitika.info"
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
