Türkiyənin Milli Kəşfiyyat İdarəsinin (MİT) sədri İbrahim Kalın Ankarada HAMAS Şura Məclisinin sədri Muhammed Derviş və HAMAS Siyasi Bürosunun üzvləri ilə Qəzzada atəşkəs razılaşmasının ikinci mərhələsinə dair görüş keçirib.
APA-nın Türkiyə bürosu xəbər verir ki, bu barədə təhlükəsizlik mənbələri məlumat yayıb.
Görüş zamanı HAMAS tərəfi atəşkəs şərtlərinə əməl etdiyini bildirərək, İsrailin pozuntuları ilə bağlı məlumat təqdim edib.
Həmçinin Qəzzadakı son vəziyyət, Türkiyənin atəşkəsin təmin olunmasına yönəlmiş səyləri və mümkün pozuntuların qarşısının alınması üçün atılacaq addımlar müzakirə olunub.
