İsrail Müdafiə Qüvvələri Fələstinin HƏMAS hərəkatının fövqəladə hallar komitəsinin rəhbəri Hatem Alrameri öldürüb.
Editor.az ordunun mətbuat xidmətinə istinadən xəbər verir ki, SAXAL döyüşçüləri dünən, aprelin 8-də axşam saatlarında Qəzza zolağının mərkəzi hissəsinə zərbə endirib. Öldürülən Alrameri mərkəzi Qəzza bölgəsindəki Maqazi batalyonunda mərmilərin atılmasına cavabdeh olan HƏMAS-ın hərbi qanadının üzvü olub.
İsrail və HƏMAS arasında müharibə 7 oktyabr 2023-cü ildən davam edir. 2024-cü il martın sonunda SAXAL elan edib ki, martın əvvəlində Qəzzanın mərkəzindəki hava hücumu nəticəsində radikal hərəkatın iyerarxiyasında üçüncü şəxs olan HƏMAS-ın hərbi qanadının komandir müavini Mərvan İsa öldürülüb.
Onunla birlikdə Qazi qrupunun Qəzzada HƏMAS-ın silah anbarlarına cavabdeh olan digər yüksək rütbəli üzvü Əbu Tamaa da məhv edilib. Martın 31-də İsrailin baş naziri Benyamin Netanyahu hökumətin Qəzza zolağının Rəfah şəhərinə hücum üçün İsrail ordusunun əməliyyat planlarını təsdiqlədiyini açıqlayıb.
//Samir Qurbanov, Editor.az
