Azərbaycanda ilk dəfə olaraq 3x3 basketbol üzrə Dünya kubokunun seçmə mərhələsi keçiriləcək.
Azərbaycan Basketbol Federasiyası (ABF) ilə FIBA arasında imzalanmış müqaviləyə əsasən, 2025-ci ilin seçmə mərhələ oyunlarına ölkəmiz ev sahibliyi edəcək.
Mayın 24-25-də Bakıda təşkil ediləcək oyunlarda 6 kişi və 6 qadın milli komandaları əsas mərhələyə vəsiqə qazanmaq uğrunda mübarizə aparacaqlar. Hər iki turnirdə komandalarımız iştirak edəcəklər.
Kişi və qadın kateqoriyalarında seçmə mərhələ oyunlarının ən yaxşı 3 komandası Dünya kubokunun əsas mərhələsində iştirak etmək hüququ qazanacaq.
