Ermənistanın keçmiş baş naziri Ovik Abramyan saxlanılıb.
Moderator.az-ın Ermənistan KİV-ə istinadən xəbərinə görə, bu barədə ölkənin Korrupsiyaya Qarşı Mübarizə Komitəsinin mətbuat xidmətindən məlumat verilib.
Komitənin qeyd etdiyi kimi, Ovik Abramyan çirkli pulların yuyulmasında, vəzifə səlahiyyətlərindən sui-istifadədə və qanunsuz sahibkarlıq fəaliyyətində ittiham olunur.
Məlumata görə, hazırda onun evində axtarış aparılır.
Qeyd edək ki, Abramyana qarşı ittihamlar hələ 2023-cü ilin aprelində irəli sürülüb. İş materiallarına görə, o, müxtəlif vəzifələrdə işləyərək sövdələşmə həyata keçirib və nəticədə 2008-2015-ci illərdə bundan 230.4 milyon dram (təxminən 590 min dollar) gəlir əldə edib.
Xatırladaq ki, Ovik Abramyan 2014-2016-cı illərdə Ermənistanın baş naziri vəzifəsində çalışıb. Həmçinin 2012-2014-cü illərdə Ermənistan parlamentinin sədri olub.
