ain.az, Azertag saytına istinadən bildirir.
Bakı, 18 iyun, AZƏRTAC
32 ildən sonra yenidən Kəngərliyə – doğma torpağıma qayıtmaq, yaşadığım ən böyük həsrətin bitməsi deməkdir. Bu torpağa olan ümidim heç vaxt itməyib. Həmişə inanmışam ki, bir gün geri dönəcəyik. O gün bu gündür.
AZƏRTAC xəbər verir ki, bu sözləri bu gün Ağdam rayonunun Kəngərli kəndinə köç edən keçmiş məcburi köçkün İsmayıl Bağırov deyib.
O, 1993-cü ildə – 30 yaşında kənddən çıxmalı olub. İsmayıl bildirir ki, o zaman kəndi tərk edən son sakinlərdən biri idi: “Ayrıldığım gün hələ də gözümün önündədir. Amma içimdə bir inam vardı – bu torpaqlar bir gün mütləq qaytarılacaq. O inamla yaşadım. İndi bu inam reallığa çevrilib və biz yenidən Kəngərliyik”.
O, göstərilən diqqətə və yaradılan şəraitə görə minnətdarlığını bildirib: “Ali Baş Komandanımıza, Ordumuza, şəhidlərimizə və qazilərimizə sonsuz təşəkkür edirəm. Bu günə bizi onlar yetirdi. Allah şəhidlərimizə rəhmət, qazilərimizə can sağlığı versin”.
Ən son xəbərləri və yenilikləri almaq üçün ain.az saytını izləyin.
