BAKI, 9 sentyabr. TELEQRAF
Sentyabrın 8-də Qətərin baş naziri və xarici işlər naziri Məhəmməd bin Əbdül Rəhman Əl Tani Fələstinin HƏMAS hərəkatının liderləri ilə görüşü zamanı ABŞ-nin Qəzza zolağında münaqişənin həlli ilə bağlı son təklifinin qəbulunu israr edib.
Teleqtaf xəbər verir ki, bu barədə “Reuters” agentliyinə adı açıqlanmayan Qətər rəsmisi məlumat verib .
"Qətərin baş naziri israr etdi ki, HƏMAS Qəzzada atəşkəs və girovların azad edilməsi ilə bağlı ABŞ-nin son təklifinə müsbət cavab versin", - agentliyin mənbəsi bildirib.
Sentyabrın 7-də ABŞ prezidenti Donald Tramp HƏMAS-dan Qəzza zolağında münaqişənin həlli ilə bağlı şərtlərinin qəbulunu tələb edib.
HƏMAS şərtləri müzakirə etmək üçün danışıqlar masasına qayıtmağa hazır olduqlarını təsdiqləyib.
