ABŞ qüvvələri Suriyada keçirdiyi reyd zamanı “İslam Dövləti” (İŞİD) terror qruplaşmasının ABŞ-da hücumlar planlaşdıran liderini məhv edib. Musavat.com xəbər verir ki, məlumatı ABŞ Mərkəzi Komandanlığı (CENTCOM) yayıb.
Komandanlığın açıqlamasına görə, əməliyyat zamanı xarici əməliyyatların planlaşdırılmasına cavabdeh olan "baş rütbəli İŞİD əməliyyatçısı" öldürülüb. Sənəddə bildirilir ki, onun ölümü qruplaşmanın “amerikalıları və onların tərəfdaşlarını təhdid edən” hücumları planlaşdırmaq və həyata keçirmək qabiliyyətinə xələl gətirir. “Biz ABŞ-a, qüvvələrimizə, xaricdəki müttəfiqlərimizə və tərəfdaşlarımıza hücum etmək istəyən terrorçularla mübarizədən geri çəkilməyəcəyik”, - deyə CENTCOM-un komandanı admiral Bred Kuper bildirib.
Musavat.com
