Unikal.az portalından əldə olunan məlumata əsasən, ain.az xəbər verir.
Rusiya ona qarşı tətbiq edilən cəza tədbirlərinin həcminə görə tarixi rekorda sahibdir və bu, biabırçı şəkildə “sanksiya” adlandırılır.
"Unikal" xəbər verir ki, bunu Rusiya prezidenti Vladimir Putin “Valday” Beynəlxalq Diskussiya Klubunun iclasında deyib.
Rusiya prezidenti bu cəza tədbirlərinin nəticəsiz qaldığını vurğulayaraq, "Bizi qlobal sistemdən "nokaut etmək" istəyirdilər. Amma Rusiya möhkəmlik nümayiş etdirir. Biz bununla fəxr edirik" deyib.
Putin həmçinin qeyd edib ki, bəzi ölkələr Rusiyanı strateji məğlubiyyətə uğratmaq və xalqını pis vəziyyətə salmaq istəyirlər, lakin onların sakitləşməsinin vaxtı çatıb. Rusiya lideri ümid edir ki, hətta Qərbin ən “ağıllıları” belə planın fəlakətini başa düşəcəklər.
"Sakit olun! Rahat yatın və nəhayət, öz problemlərinizlə məşğul olun. Baxın, Avropa şəhərlərinin küçələrində nələr baş verir, iqtisadiyyat, sənaye, Avropa mədəniyyəti və kimliyinə nələr baş verir...", - o, Qərb elitalarına müraciətində deyib.
Onun sözlərinə görə, Rusiya heç vaxt zəiflik və qətiyyətsizlik nümayiş etdirməyəcək:
"Kimsə hərbi baxımdan bizimlə rəqabət aparmaq istəyirsə, o zaman seçim onundur, buyursun".
Sonrakı hadisələr barədə daha çox məlumat almaq üçün ain.az saytını izləyin.
