ABŞ rəsmiləri BMT Təhlükəsizlik Şurasının bir sıra üzv ölkələrinə Qəzza zolağında beynəlxalq qüvvələrinin yerləşdirilməsini nəzərdə tutan qətnamə layihəsini təqdim ediblər.
APA xəbər verir ki, bu barədə Axios portalı məlumat yayıb.
Nəşrin məlumatına görə, layihə beynəlxalq qüvvələrin ən azı iki il müddətinə Qəzzada fəaliyyət göstərməsini və 2027-ci ilin sonuna qədər ABŞ-la yanaşı digər iştirakçı ölkələrə təhlükəsizliyin təmin edilməsi və idarəetmə sahəsində geniş səlahiyyətlər verilməsini nəzərdə tutur.
Qətnamənin müddətinin uzadılması imkanı da sənəddə öz əksini tapıb.
