"Fənərbaxça"nın və Türkiyə millisinin sabiq ulduzu Mehmet Aurelio yenidən İstanbul klubuna qayıdıb.
QOL.az xəbər verir ki, bu barədə klub məlumat yayıb. Təcrübəli mütəxəssis "sarı-lacivərdlilər"in U-19 komandasının baş məşqçisi təyin edilib.
Qeyd edək ki, Mehmet Aurelio futbolçu karyerası ərzində 2003-2008-ci illərdə "Fənərbaxça"da çıxış edib. Karyerası ərzində klubun azarkeşlərinin sevimlisinə çevrilmiş, Türkiyə millisində də uğurlu çıxışı ilə yadda qalmışdı.
