“Turan Tovuz” növbəti transferini reallaşdırıb.
Msport.az klubun mətbuat xidmətinə istinadən xəbər verir ki, Tovuz təmsilçisi “Aston Villa”nın yetirməsi olan Coş Cinnellini heyətinə cəlb edib.
28 yaşlı hücumçu ilə 1,5+1 illik müqavilə bağlanıb.
Qeyd edək ki, Cinelli son olaraq İngiltərə Çempionşipində mübarizə aparan “Suonsi”nin formasını geyinib. Karyerası ərzində vətənində “Şrusberi”, “Bernli”, “Altrinhem”, “Linkoln”, “Tranmer”, “Uolsol”, “Preston”, “Bristol Rovers”, Şotlandiyada isə “Harts”ın formasını geyinib.
