ain.az, Azpolitika.az saytına istinadən bildirir.
Ukrayna Prezidenti Volodimir Zelenski hesab edir ki, Ukraynanın müharibəni payızadək - noyabr ayında keçiriləcək ABŞ aralıq seçkilərindən əvvəl bitirmək şansı var.
“AzPolitika” xəbər verir ki, Zelenski bunu SkyNews-a verdiyi müsahibədə deyib.
Ukraynanın sülhə nail olmağa nə qədər yaxın olduğu soruşulduqda, o, noyabr ayında keçiriləcək ABŞ Konqresinə aralıq seçkiləri ilə indiki vaxt arasında "fürsət pəncərəsi" olduğunu qeyd edib.
"Hazırda, düşünürəm ki, şansımız var... Seçkilərdən əvvəl, ABŞ-də mühüm, təsirli seçkilərdən əvvəl. Bu, növbəti bir neçə aydan, payızdan əvvəl müharibəni bitirmək şansımızın olub-olmamasından asılıdır. Əgər sülhə nail ola bilsək, deməli, fürsət pəncərəmiz var. Bu pəncərə artıq açıqdır", - deyə o bildirib.
O, həmçinin ABŞ-nin müharibəni bitirmək qabiliyyətinə malik olduğunu, lakin bunun üçün Moskvaya daha çox təzyiq göstərməli olduğunu söyləyib.
"Amerika Birləşmiş Ştatları düşündüyündən daha güclüdür və mən buna həqiqətən inanıram. Onlar Putinə həqiqətən təzyiq göstərə bilərlər. Onlar bu müharibəni dayandıra bilərlər", - deyə Zelenski vurğulayıb.
O, Vaşinqton administrasiyasını Rusiyaya qarşı sanksiyaları sərtləşdirməyə və Ukraynaya daha müasir silahlar verməyə çağırıb. Onun fikrincə, yalnız təzyiqin artırılması Moskvanı danışıqlara ciddi yanaşmağa məcbur edəcək.
“AzPolitika.info”
Daha ətraflı məlumat və yeniliklər üçün ain.az saytını izləyin.
