Qala-Şüvəlan yolunda ölümlə nəticələnən qəza baş verib.
Musavat.com xəbər verir ki, hadisə aprelin 19-da saat 20:10 radələrində Qala-Şüvəlan yolunda qeydə alınıb.
Belə ki, Behbudov Cəmil Nurulla oğlu idarə etdiyi "Mercedes E-280" markalı avtomobillə hərəkətdə olarkən qarşı istiqamətdən gələn, Əşrəfzadə Vüqar İlqar oğlunun sürdüyü motosikletlə toqquşub. Nəticədə motosiklet sürücüsü aldığı xəsarətlərdən hadisə yerində həyatını itirib.
Faktla bağlı rayon prokurorluğunda araşdırma aparılır.
