Hörmüz boğazının təhlükəsizliyini təmin etmək üçün İran Mərkəzi Bankı gəmi tranziti üçün rüsumların toplanması məqsədilə dörd valyutada hesab açıb.
Yeniavaz.com ILNA agentliyinə istinadla xəbər verir ki, bu barədə İran Məclisinin (Parlament) Milli Təhlükəsizlik və Xarici Siyasət Komitəsinin üzvü Əlaəddin Burucerdi bildirib.
“Mərkəzi Bank İran rialı, Çin yuanı, ABŞ dolları və Aİ avrosu ilə dörd xüsusi hesab açıb. Dərc olunmuş qaydalara əsasən, SEPAH-ın (İslam İnqilabı Keşikçiləri Korpusu) dəniz qüvvələri tərəfindən toplanan rüsumlar həmin hesablara yatırılacaq”, - komitə üzvü bildirib.