Citigroup, süni intellekt bazarı ilə bağlı proqnozunu artıraraq, müəssisələrin (enterprise) AI alətlərini daha sürətli mənimsəməsini əsas səbəb göstərib.
QHT.az xarici mediaya istinadən bildirir ki, bankın yeni hesabatında bildirilir ki, qlobal süni intellekt bazarı 2030-cu ilə qədər 4,2 trilyon dollardan çox ola bilər. Bunun təxminən 1,9 trilyon dolları korporativ (enterprise) AI istifadəsindən gələcək.
Citi daha əvvəl bu rəqəmi 3,5 trilyon dollar, enterprise hissəni isə 1,2 trilyon dollar olaraq proqnozlaşdırırdı.
Anthropic ilə bağlı əsas məqamlar:
* AI şirkəti Anthropic-in Claude modelləri və “Claude Code” məhsulları şirkət gəlirlərini artırır.
* “Mythos” adlı layihə hələlik yaxın dövrdə qazanc gətirməsə də, gələcək potensial kimi qiymətləndirilir.
* Anthropic, korporativ AI sahəsində lider hesab olunur, xüsusilə proqramlaşdırma və avtomatlaşdırma (agent əsaslı iş axınları) sahəsində güclüdür.
* Gəlirinin təxminən 80%-i şirkətlərdən gəlir; bu da onun istehlakçı yönlü deyil, biznes yönlü strategiyasını göstərir.
* İllik gəlir sürəti 30 milyard dolları keçib və bu, texnologiya sektorunda ən sürətli artımlardan biridir.
* Şirkət böyük hesablama gücü müqavilələri imzalayıb: Google ilə 40 milyard dollara qədər, Amazon ilə isə 25 milyard dollara qədər razılaşma var.
* Rəqabət artır: OpenAI, Google və digər şirkətlər də enterprise bazarına daha çox yönəlir. Fokus artıq model performansından çox, iş axınlarına inteqrasiya və etibarlılığa keçib.
Zəhra Ağayeva
