İrəvanda Ermənistan–Aİ sammiti və Avropa Siyasi Birliyi toplantısı keçirilir...
Poliqon xəbər verir ki, Avropa İttifaqının yüksək səviyyəli nümayəndə heyəti Ermənistanın paytaxtı İrəvana səfər edib. Səfərin məqsədi Ermənistan–Aİ arasında keçirilən ilk sammitdə, həmçinin Avropa Siyasi Birliyinin 8-ci zirvə toplantısında iştirak etmək olub.
Nümayəndə heyətinə Avropa Komissiyasının sədri Ursula fon der Lyayen, Avropa Şurasının sədri Antonio Koşta, Avropa Parlamentinin sədri Roberta Metsola və Aİ-nin xarici siyasət və təhlükəsizlik məsələləri üzrə ali nümayəndəsi Kaya Kallas daxil olub. Səfər çərçivəsində tərəflər arasında siyasi dialoqun genişləndirilməsi, iqtisadi əməkdaşlığın dərinləşdirilməsi və regional təhlükəsizlik məsələlərinin müzakirəsi nəzərdə tutulub.
Qeyd edək ki, Ermənistan–Aİ sammiti tərəflər arasında münasibətlərin yeni mərhələyə keçidini simvolizə edir. Eyni zamanda, Avropa Siyasi Birliyinin zirvə görüşü Avropa qitəsində sabitliyin və təhlükəsizliyin möhkəmləndirilməsi baxımından mühüm platforma hesab olunur. Toplantıda regiondakı geosiyasi proseslər, enerji təhlükəsizliyi və nəqliyyat-kommunikasiya layihələri kimi məsələlər əsas müzakirə mövzuları sırasında yer alıb.
Poliqon.info
