Türkiyəli iş adamı Acun Ilıcalının sahibi olduğu ''Hall Siti''nin çempionşipdə mövsümü 6-cı pillədə bitirərək pley-offda oynamağa haqq qazandığını xəbər vermişdik.
Dünən pley-offun ilk oyununda ''Hall Siti'' doğma ''MKM Stedium''da ''Milluoll'' ilə qarşılaşıb. Mövsümü 3-cü pillədə tamamlayan ''Milluoll'' çempionşip çərçivəsində ''Hall Siti''ni səfərdə 3:1 yenmişdi. Amma bu dəfəki qarşılaşma qolsuz başa çatdı. Oyunu VİP-lojada Acun Ilıcalı və onun həyat yoldaşı ilə yanaşı Türkiyə futbolunun ünlü siması Fatih Terimin də izləməsi diqqət çəkdi.
Cavab oyunu mayın 11-də ''Milluoll''un stadionunda keçiriləcək. Bu mərhələni keçən komanda mayın 23-də ''Uembli''də ''Midlsbro'' - ''Sauthempton'' duelinin qalibi ilə qarşılaşacaq.
Qeyd edək ki, ''pələnglər'' 3-cü dəfədi, pley-offda iştirak edirlər. Komanda daha öncə 2008 və 2016-cı illərdə pley-off-da iştirak edərkən premyer-liqaya yüksəlməyi bacarmışdı.
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
