Forumda prezidentin çox mühüm mesajlar verdiyini və vacib məqamlara toxunduğunu qeyd edən deputat Zəngəzur dəhlizinin önəm daşıyan məsələlərdən biri olduğunu vurğulayıb: “Bu dəhlizin açılması prioritetdir. Ermənistan bu məsələlərdə ciddi düşünməlidir. Dəhlizin açılması Ermənistanı "dalan dövlət" statusundan çıxaracaq və bölgəmizin inkişafına öz töhfəsini verəcək. Düşünürəm ki, Ermənistan hazırda çevik olmalı və ən qısa vaxtda dəhlizin açılması üçün şərait yaratmalıdır. Bunlar olduqca vacib məsələlərdir”. Qeyd edək ki, iyulun 19-da Azərbaycan Respublikasının Prezidenti İlham Əliyevin Xankəndidə “Rəqəmsal keçidlər: Süni intellekt dövründə informasiya və media dayanıqlılığının gücləndirilməsi” mövzusunda III Şuşa Qlobal Media Forumunun iştirakçıları ilə görüşü keçirilib. Prezident İlham Əliyev Forum iştirakçılarının suallarını cavablandırıb.
