ain.az, Oxu.az portalına istinadən məlumatı açıqlayır.
ABŞ son 17 ildə - 2008-ci ildən bəri ilk dəfə Böyük Britaniyada bir neçə nüvə bombası yerləşdirib.
Oxu.Az-ın xəbərinə görə, bu barədə "UK Defence Journal" məlumat yayıb.
Qeyd olunub ki, bir neçə B61-12 termonüvə bombası Kral Hərbi Hava Qüvvələrinin Saffolkdakı Leykenhit hərbi hava bazasına köçürülüb.
İlkin məlumatlara görə, bu bombalar Nyu-Mexikodakı Kirtland Hərbi Hava Qüvvələri bazasında yerləşən ABŞ Hərbi Hava Qüvvələrinin Nüvə Silahları Mərkəzindən Böyük Britaniyada yeni tikilmiş təhlükəsiz anbara daşınıb.
Əvvəlcə Soyuq Müharibə dövründə ABŞ-nin nüvə silahları Leykenhit bazasında yerləşirdi. 2008-ci ildə oradan bütün silahlar çıxarılıb.
Nəşr qeyd edib ki, nüvə silahlarının krallıq ərazisinə qaytarılması Rusiya ilə münasibətlərin pisləşməsi və çəkindirmə imkanlarına daha çox önəm verilməsi fonunda NATO-nun Avropadakı nüvə strategiyasında ciddi dəyişiklik demək olacaq.
Rəsmi orqanlar hələlik bu məlumatı şərh etməyiblər.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
