“Yuventus” ABŞ millisinin üzvü ilə razılığa gəldi

"Yuventus" mövsümün sonunda müqaviləsi başa çatan Ueston Makkenni ilə razılığa gələ bilir.

Bizim.Media xəbər verir ki, A Seriyası nəhəngi amerikalı yarımmüdafiəçi ilə yeni sözləşmə imzalayacaq. Bu barədə insayder Fabritsio Romano məllumat yayıb.

Makkenni ilə 2030-cu ilin yayına kimi nəzərdə tutulan müqavilənin şərtləri razılaşdırılıb. 27 yaşlı futbolçunun illik maaşı 4 milyon avro olacaq.

Qeyd edək ki, "Yuventus" Ueston Makkennini 2021-ci ilin yayında "Şalke"dən transfer edib. ABŞ millisinin üzvü bu mövsüm Turin təmsilçisinin heyətində meydana çıxdığı 36 rəsmi matçda 7 qol və 7 məhsuldar ötürmə ilə yadda qalıb.

Rəşad Rafiqoğlu, Bizim.Media