ABŞ administrasiyası İranın mülki nüvə proqramını inkişaf etdirmək üçün İrana 30 milyard dollar təklif edir.
AzPost bildirir ki, bu barədə məlumatlı mənbələrə istinadən CNN məlumat yayıb.
ABŞ sazişin bir hissəsi olaraq İrana 20-30 milyard dollar maliyyə vəsaiti əldə etmək imkanı vermək üçün danışıqlar aparır.
Telekanalın məlumatına görə, danışıqlar hətta Yaxın Şərqdə vəziyyətin gərginləşdiyi, İsrailin İranda müxtəlif hədəflərə zərbələr endirdiyi dövrdə də davam edib. Müzakirə olunan sazişin əsas şərtlərindən biri İranda uranın zənginləşdirilməsini tamamilə istisna edən və müstəsna olaraq dinc məqsədlərə yönəlmiş nüvə proqramının yaradılmasıdır.
Digər mümkün addımlar arasında sanksiyaların qismən ləğvi və İranın yerli banklardakı 6 milyard dollarlıq aktivlərinin dondurulmasının açılması daxildir. Müzakirə olunan digər variant isə Fordoda mövcud nüvə obyektinin Körfəz dövlətləri tərəfindən maliyyələşdirilə bilən alternativ zənginləşdirmə proqramı ilə əvəz edilməsidir.
