"Bavariya"nın hücumçusu Tomas Müller klublararası dünya çempionatının 1/4 final mərhələsinin PSJ ilə qarşılaşmasında (0:2) iştirak edib.
90deqiqe.Az xəbər verir ki, bu oyun alman üçün Münhen klubunun forması ilə sonuncu olub. Futbolçu 80-ci dəqiqədə meydana daxil olub.
Müller "Bavariya"nın yetirməsidir. Münhen komandasının tərkibində Tomas 33 kubok qazanıb. Futbolçu 13 dəfə Almaniya çempionu olub, iki dəfə Çempionlar Liqasının qalibi olub, iki dəfə klublararası dünya çempionatının kubokunu alıb. Bundan başqa, futbolçu Almaniya kuboku və Superkubokunu, eləcə də UEFA Superkubokunu qazanıb. Müller ilk dəfə 2008-ci ildə bu komandada çıxış edib, onun hesabında 750 oyun, 250 qol və 276 məhsuldar ötürmə var.
