"Real"ın müdafiəçisi Fran Qarsiya klublararası dünya çempionatının yarımfinalında PSJ-yə qarşı keçirəcəkləri oyunla bağlı fikirlərini bildirib.
QOL.az klubun mətbuat xidmətinə istinadən xəbər verir ki, o deyib:
"PSJ ilə yarımfinal? Bu, əslində Çempionlar Liqasının finalıdır. Onlar yaxşı nəticələr əldə edir, amma biz də çox yaxşı inkişaf edirik. Komanda bir-birini anlayır, nə etməli olduğumuzu bilirik. Bu templə davam etməliyik ki, finala çıxa bilək"
Qeyd edək ki, sözügedən görüş iyulun 9-na təyin olunub.
"Real" 1/4 finalda Dortmund "Borussiya"sını 3:2 hesabı ilə məğlub edib. PSJ isə həmin mərhələdə "Bavariya"ya 2:0 hesabı ilə qalib gəlib.
Bu cütün qalibi finalda "Çelsi" – "Fluminense" matçının qalibi ilə üz-üzə gələcək.
