"Mançester Yunayted"in hücumçusu Rasmus Heylun gələcək karyerası ilə bağlı qərarını verib.
90deqiqe.Az xəbər verir ki, 22 yaşlı forvard klubdan ayrılmaq niyyətində deyil.
Danimarkalı futbolçunun transferi yalnız klubun təşəbbüsü ilə reallaşa bilər. Buna baxmayaraq, A Seriyasının nəhənglərindən olan "İnter"in Rasmusa marağını davam etdirir və futbolçunun transferində israrlıdır.
Heylunun "Mançester Yunayted"lə olan mövcud müqaviləsi 2028-ci ilin yayına qədər qüvvədədir. Transfermarkt portalına əsasən, oyunçunun bazar dəyəri 35 milyon avro təşkil edir.
Gənc hücumçu indiyədək İngiltərə təmsilçisinin heyətində 95 oyuna çıxaraq 26 qol vurub və 6 məhsuldar ötürmə ilə yadda qalıb.
