Avropa liderləri ABŞ prezidenti Donald Trampın Rusiya prezidenti Vladimir Putinlə avqustun 15-də Alyaskada planlaşdırılan görüşündən əvvəl onunla danışmağa can atırlar.
Herbiand.az xəbər verir ki, bu barədə bazar günü, avqustun 10-da Bloomberg agentliyi vəziyyətlə tanış olan mənbələrə istinadən məlumat yayıb.
Agentlik qeyd edir ki, Trampla Avropa liderləri arasında mümkün söhbətdən əvvəl “ABŞ, Ukrayna və Avropa rəsmilərinin iştirak etdiyi intensiv diplomatik həftəsonu” olub. Bu, Ukrayna və Avropa nazirlərinin Böyük Britaniyada ABŞ-ın vitse-prezidenti J.D.Vens ilə görüşlərinə aiddir.
Aİ liderləri ilə Tramp arasında mümkün söhbətin məzmunu barədə məlumat verilmir. Aİ, Ukrayna və ABŞ siyasətçilərinin Böyük Britaniyadakı görüşlərinin təfərrüatları da məlum deyil.
Ehtimal olunur ki, əsas müzakirə mövzusu Ukrayna əraziləri olacaq.
