ABŞ Prezidenti Donald Tramp Rusiya ilə Ukrayna arasında ərazi mübadiləsi sazişlərinin olacağına inanır.
Yeniavaz.com xəbər verir ki, o, bu barədə Ağ Evdəki çıxışı zamanı deyib.
“Müəyyən mübadilələr olacaq. Müəyyən ərazi dəyişiklikləri olacaq. Mən bunu Rusiyadan və hamı ilə söhbətlərdən bilirəm”, Tramp deyib.
Mümkün olduğu iddia edilən bu mübadilələrdən danışarkən o, bunun Ukraynanın xeyrinə olduğu bildirib:
“Bu, yaxşı bir şeydir, pis deyil. Həmçinin hər iki tərəf üçün pis bir şeydir”.
Tramp qeyd edib ki, bir qədər ərazini Ukraynaya qaytarmağa çalışacaq. O, sahilyanı əraziləri ən qiymətli hesab etdiyini də izah edib.