ain.az xəbər verir, Qaynarinfo saytına əsaslanaraq.
Bir çoxları düşünür ki, sualtı qayıqlar sunami zamanı ən etibarlı sığınacaqdır. Onların möhkəm polad gövdəsi və dərinlikdə hərəkət etməsi səbəbindən belə təsəvvür yaranır. Lakin ekspertlərin sözlərinə görə, bu, yalnız qismən doğrudur.
Qaynarinfo xəbər verir ki, bu barədə "Slash Gear" yazıb.
Sunami dərinlikdə necə görünür?
Okeanın dərin qatlarında sunami filmlərdəki kimi nəhəng su divarı deyil, daha çox təzyiqdə cüzi dəyişiklik yaradan uzun dalğadır. Sualtı qayıqlar adətən 150–400 metr dərinlikdə patrul edirlər və bu səbəbdən belə dalğaları demək olar ki, hiss etmirlər.
Səthdə və dayaz sularda risk artır
Əgər sunami baş verən an sualtı qayıq səthdədirsə, vəziyyət kritik olur. Güclü dalğa minlərlə tonluq metal gövdəni belə qaldırıb aşırda bilər. Gövdə dağıtmasa belə, idarəetmə sistemləri və elektronika sıradan çıxır. Dayaz sularda isə alt təkanlar, güclü cərəyanlar və daxili dalğalar qayıqların sabitliyini poza bilər.
Hətta dərinlik də bəzən xilas etmir
Nadir hallarda – məsələn, 2004-cü ildə Hind okeanında baş verən sunamidə – dalğaların enerjisi daha dərin qatlara qədər yayılır. Elmi modellərə görə, 400 metr və daha artıq dərinlikdə olan qayıqlar sağ qala bilər. Amma əgər sunami asteroidin düşməsi və ya nüvə partlayışı nəticəsində yaranıbsa, nəticələri proqnozlaşdırmaq mümkün deyil.
Titan gövdənin üstünlüyü
Hazırda yalnız iki rus sualtı qayığı – "Komsomolyets" və "Loşarik" – titan gövdəyə malikdir və 1000 metrdən çox dərinliyə enə bilir. Belə dərinlikdə sunami təhlükə yaratmır. Həmçinin Aralıq dənizi kimi qapalı akvatoriyalarda yerləşən qayıqlar okean mənşəli sunamilərdən nisbətən qorunur.
Mütəxəssislər bildirirlər ki, dərin sularda sualtı qayıq sunami zamanı ən təhlükəsiz yerlərdən biri hesab olunur. Ancaq heç bir texnologiya təbiətin gücü qarşısında tam zəmanət verə bilmir.
Aydın
Sonrakı hadisələr barədə daha çox məlumat almaq üçün ain.az saytını izləyin.
