16 yaşadək qız basketbolçulardan ibarət Azərbaycan millisi Avropa çempionatının B divizionunda üçüncü oyununu keçirib.
Sportinfo.az xəbər verir ki, Türkiyənin İstanbul şəhərində təşkil olunan turnirdə yığmamızın rəqibi Slovakiya komandası olub.
Görüş komandamızın 62:70 hesablı məğlubiyyəti ilə başa çatıb.
Azərbaycan yığması daha əvvəl İsveçə (57:84) və Niderlanda (49:81) uduzaraq qrupda sonuncu - 5-ci pillədə qərarlaşıb.
Növbəti rəqib sabah Lüksemburq komandası olacaq. Oyun 21:30-da başlayacaq.
